Գոհ եմ, գոհ եմ ամեն ինչից
Իմ այս չասված խոսքերից,
Խորը փորած ու չլցված
Այդպես լքված
Անդունդից:
Գոհ եմ ձեզնից, որ կարդում եք
Սրտիցս հանած
Իրար կողքի դրված-գրված
Իմ խոսքերը գունաթափած:
(Ես ինչ անեմ,
Որ աշխարհն է գունաթափված):
Սրտիս որ անկյունում պահեմ
Իմ խոսքերը, Մարդ-Արարած:
Գոհ եմ սիրուց, որ դեմք չունի,
Ինչպես գոհ եմ այն ծաղիկից,
Որը թերթիկներ չունի,
Որի վրա դրված է
Մի անպիտան ու հաստ փոշի:
Գոհ եմ կյանքից,
Գոհ եմ մահից՝
Առանց սիրո կյանք չկա,
Առանց կյանքի սեր չկա:
Կյանքից՝ սեր,
Սիրուց՝ կյանք՝
Սա՛ է մահվան բանաձևը,
Որից հետո՝ դատարկություն,
Որից հետո՝ ամայություն:
Դատարկություն, ամայություն…
Մի՛թե սա չէ կյանքը մեր:
Գուցե արդեն մահացե՛լ ենք,
Բայց չենք գիտակցում, սակայն
Հավատում եմ, որ մի օր,
Մահից առաջ, մի կեսօր
Կյանքն ու սերը կկապի
Մի գույնզգույն ծիածան: